Әнқәрәдики америка әлчиханисиға қаритилған һуҗумни бир радикал солчи тәшкилат қилған

Түркийә баш министири рәҗәп тайип әрдоған җүмә күни әнқәрәдә турушлуқ америка әлчиханисиға қаритилған адәм бомба һуҗумини бир түрк радикал солчи тәшкилати қилғанлиқини билдүрди.
Мухбиримиз әркин
2013.02.01
Share on WhatsApp
Share on WhatsApp

Әлчиханиниң кириш ишикидә йүз бәргән партлаш вәқәсидә һуҗумчи билән биргә бир түрк муһапизәтчи өлгән. Аз дегәндә бир киши еғир яриланған иди.

Әрдоған: террорлуқ һуҗумни “инқилабий хәлқ азадлиқ партийиси фронти” намлиқ түрк радикал солчи тәшкилати тәшкиллигәнлики ениқ, дәп көрсәтти.

Түркийә ахбарат васитилириниң илгири сүрүшичә, вәқәни пәйда қилған гумандар әҗәвит шанли, 1997‏-йили истанбул сақчи идарисигә һуҗум қилиш вәқәсигә четилип бир қетим қолға елинған. 2000‏-Йили мәһбусларниң ачлиқ елан қилиш һәрикитигә қатнашқан. У, 2001‏-йили кесәллик сәвәбидин қоюп берилгән.

Әрдоған вәқә билән сүрийиниң четишлиқи барлиқиға еһтимал бәрмәйдиғанлиқини билдүрди.

Америка вәқә йүз бәргән һаман америка әлчиханиси дәрһал аманлиқ тәдбирлирини алған. Әлчиханиниң барлиқ кирип-чиқиш еғизлирини қамал қилип, әлчихана хадимлирини тарқақлаштурған.

Марксизм-ленинизм идеологийисидики мәзкур партийә аталмиш ғәрб империализминиң контроллуқидики түркийә һөкүмитини демократик вә зораванлиқ васитиләргә тайинип йоқитишни өзигә нишан қилған.

Америка ташқи ишлар министирлиқи мәзкур партийини террорлуқ тәшкилатлар тизимликигә киргүзгән иди. Америкиниң ақ сарай баянатчиси җей карней шу күни вәқәниң “наһайити ениқ бир террорлуқ һуҗум” икәнликини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.