Ereb elliri ittipaqi süriyining mezkur teshkilattiki ezaliqi salahiyitini toxtitishqa chaqirildi

Xelq'aradiki bir qisim nopuzluq hoquq teshkilatliri bayat élan qilip, süriye hökümitini xelqqe qaratqan zorawanliqini ayaghlashturushqa hemde ereb elliri ittipaqini süriyining mezkur teshkilattiki ezaliqi salahiyitini toxtitishqa chaqirdi.
Muxbirimiz shöhret hoshur
2011.11.11

Mezkur chaqiriq süriyide öktichi küchler yene qarshiliq namayishlirini dawamlashturuwatqan peytlerge toghra keldi.

Ereb elliri ittipaqigha qaritilghan bu xildiki chaqiriqlarni bash shtabi amérikining nyu-york shehiridiki kishilik hoquqni közitish teshkilati we en'gliyidiki xelq'ara kechürüm teshkilati arqa-arqidin élan qildi.

Kishilik hoquqni közitish teshkilati bu heqtiki doklatida süriye hökümitining insaniyetke qarshi jinayet sadir qilghan bolushi mumkinlikini ilgiri sürgen we shu sewebtin ereb eller ittipaqini süriyining ezaliqi mesilini oylishishqa chaqirghan.

Peyshenbe küni xelq'ara kechürüm teshkilati bayanat élan qilip, ereb elliri ittipaqini süriye hökümitige bésim ishlitishke chaqirghan idi.

Melum bolushiche, 22 dölettin terkib tapqan ereb elliri ittipaqi shenbe küni misir paytexti qahirede jiddiy yighin chaqirip süriyidiki qalaymiqanchiliqlarni muzakire qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.