Erkinlik sariyi pakistan da'irilirining 9 neper Uyghurni xitaygha ötküzüp bergenlikini tenqidlidi

Amérika kishilik hoquq teshkilati erkinlik sariyi 5 - ayning 7 - küni bayanat élan qilip, pakistan hökümitining 9 neper Uyghurni xitaygha qayturup bergenlikini xelq'ara ehdinamigha xilap heriket dep tenqidlidi.
Muxbirimiz mihriban
2009-05-07
Share

Bu 9 neper Uyghur xitay hökümiti teripidin " térrorloq " pa'aliyiti bilen shughullan'ghan," sherqiy turkistan islam partiyisi" teshkilatining ezaliri dep eyiblen'gen idi.
Emma 5 - ayning 2 - kuni " sherqiy turkistan islam partiyisi " teshkilati xitay we pakistan'gha qarshi bayanat élan qilip, bu 9 neper Uyghurning pakistandiki adettiki Uyghur puqraliri ikenlikini, ularning bu teshkilat bilen héchqandaq manasiwiti yoqluqini bildurgen idi.

Amérika kishilik hoquq teshkilati erkinlik sariyi 5 - ayning 7 - küni yeni peyshenbe künidiki bayanatida, xitay hökümitining her waqit " térrorchi" we " milliy bölgünchi " dégen bahane bilen, xitayning Uyghur élidiki hokumranlighigha qarshi turghan Uyghurlarni tutqun qiliwatqanlighini, hetta bu kishilerni éghir ten jazasi bilen jazalap, ularni ölümge höküm qiliwatqanlighini, xitayning bu qilmishliri xelq'ara insan heqliri qanunigha xilap ikenlikini körsetti.

Bayanatta yene, xitayning chet'ellerdin qayturulghan her qandaq kishini qattiq jazalaydighan dölet ikenliki, bu dölette insani heq - hoquq kapaletke ige emesliki tekitlen'gen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet