Amérika erkinlik sariyi xitayning axbarat erkinlik weziyitini tenqid qildi

Amérika kishilik hoquq teshkilati - erkinlik sariyi jüme küni dunyadiki 195 dölet we rayonning axbarat erkinlik ehwali toghrisida doklat élan qilip, xitayda axbarat erkinlik weziyitining ehwali yenila "intayin nachar" ikenlikini bildürdi.
Muxbirimiz erkin
2009.05.01

Doklatta eskertishiche, 2008 - yili dunyadiki her qaysi ellerning axbarat erkinliki ehwalida omumyüzlük chékinish bolghan.

Doklatni teyyarlighan erkinlik sariyining axbarat erkinliki ishlirigha mes'ul xadimi karin karlékar xitayning axbarat erkinliki toghrisida mundaq dégen": xitay 2008 - yili béyjing olimpik yighinini ötküzgendin kéyin, esli axbarat erkinlikige kapaletlik qilish wediside turushi kérek idi. Lékin béyjing da'iriliri axirqi hésabta yenila dunyadiki axbarat erkinlikini boghidighan eng chong dölet bolush yolini talliwaldi."

Doklatta eskertishiche, 2008 ‏- yili xongkongning axbarat erkinlikide chékinish yüz bergen bolup, buningdiki seweb béyjing da'irilirining xongkong axbarat wastilirige bolghan tesir küchining zorayghanliqida iken.

Erkinlik sariyining doklati 3 - may dunya axbarat küni harpisida élan qilghan bolup, shu küni yene merkizi nyuyorktiki muxbirlarni qoghdash komitéti " tor béketliri eng qiyin ehwaldiki 10 dölet" ning tizimlikini élan qilghan. Xitay bu 10 döletning ichidiki 8 ‏ - qatargha tizilghan.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.