Хитай һөкүмити әрзийәт мәсилилирини йәрликтила һәл қиливетишни тәләп қилмақта
Җуңго радио ториниң хәвәр қилишичә, хитай мәркизи интизам тәкшүрүш комитети йеқинда чақирған “2012-йиллиқ асасий қатлам партийә истили, паклиқ қурулуши хизмити” йиғинда асасий қатламлардин йезилардики амминиң наразилиқ аммиви һәрикәтлириниң көпийип кәткәнликидәк вәзийәтни аяғлаштуруш үчүн, бундин кейин йеза асасий қатлам әрзийәт хизмәтлиригә алаһидә әһмийәт беришни тәләп қилған.
Хитайдики әрздарлар мәсилиси хәлқара җамаәтниңму диққитини тартиватқан бир мәсилә. Өткән бир йил ичидә хитайда вукән вәқәсигә охшаш нурғун чоң көләмлик наразилиқ һәрикәтлири мәйданға кәлгән иди. Буларниң ичидә уйғур елидә өз давасини ақтуралмай, бейҗиңда әрз қилип йүргән нурғун уйғурларниң әрзийәт давалириму бар.
Бу әрздарлар нурғун қетим бейҗиң даирилириниң тутқун қилишиға учриған, санақсиз қетим кәлгән йәрлиригә қайтуруветилгән иди. юқиридики қарардин, хитай даирилириниң әрздарларниң наразилиқ һәрикәтлириниң кеңийип кетишиниң алдини елиш үчүн мәсилини йәрликтә һәл қилишни тәшәббус қиливатқанлиқи мәлум болмақта.
- Шивет миссийонерлириниң шәрқий түркистандин айрилиши
- “қәшқәр конашәһәр һөҗҗити” уйғурларға қаритилған тутқунниң көлимини йәнә бир қетим ашкарилиди
- Йүзләрчә уйғурлар җәнвәдики б д т бинаси алдида намайиш елип барди
- Шаңхәй кочилиридики сәргәрдан уйғур йигити вә хитай завутлириға йөткәлгән уйғурлар
- Ғулҗада түрмидин чиққан яқуп һәсән һарпа күни, оғли билал яқуп һейт күни түгәп кәткән
