Esed qozghilangchilarni qattiq eyiblidi

Roytérs agéntliqining yézishiche, esed sözide qozghilangchilarni “ Süyiqestchiler we térroristlar” dep atighan bolup, ularni 2011 - yilidin buyan dawamlishiwatqan toqunushlarning sewebkari dep chüshendürgen.

Esed sözide yene öktichi küchlerni “Gherbning qorchaqliri” dep atash bilen birge özining hergizmu ular bilen söhbet ötküzmeydighanliqini eskertken.

Birleshken döletler teshkilatining munasiwetlik organlirining hésablishiche, ikki yilgha yéqin sozulghan toqunush jeryanida süriyide 60 ming etrapida adem hayatidin ayrilghan.

Esed nutiqida yene gherbni söküsh bilen birge rusiye, xitay we iranni tilgha élip, bu döletlerning körsetken qollashlirigha rehmitini bildürgen.

Melum bolushiche, birleshken döletler teshkilati we gherb ellirining süriyidiki weziyetni tinchlandurush hemde esedni öktichilerning teleplirige qulaq sélish chaqiriqliri kar qilmighan bolup, ichki toqunushlar künsayin éghirlashqan. Emma, esed sözide siyasiy islahat qilidighanliqini tekitligen.