Хитай, әмгәк күчлирини сиртларға йөткәш сияситини 2010 - йилиму изчил елип баридиғанлиқини илгири сүрмәктә

Хитай һөкүмити йеқинқи йиллардин буян уйғур елидә елип бериватқан әмгәк күчлирини сиртларға йөткәш сиясити җәрянида бир қисим қирғиз қизлириниму хитай өлкилиригә ишләшкә йөткигәнлики мәлум.
Мухбиримиз җүмә
2010-02-07
Share

5 - Феврал шинхуа агентлиқида көрситишичә, гуаңдуң өлкисиниң дуңгүән наһийисидики мәлум завутта ишләватқан гүлхәйри қадир, шу хилдики қирғиз қизлириниң бир икән.

Хәвәрдә мәлум болушичә, хитай йәрлик һөкүмити уйғур елидә хитай болмиған милләтләрниң қизлиридин һәр йилиға 140 миңни хитайниң шәрқий қисмидики шәһәр районларға йөткәп кәлмәктә икән.

Хәвәрдә аптоном районлуқ әмгәк күчи вә иҗтимаий параванлиқ назаритини тарқатқан санлиқ мәлуматлардин нәқил елип көрситишичә, 2008 - йилида уйғур ели мунасивәтлик даирилири ешинча әмгәк күчлиридин 1 милйон 870 миң адәм қетим йөткигән. Буларниң ичидә 740 миңдин артуқ адәм қетим шәһәр базарларға йөткилип хизмәткә селинған болса, 160 миң адәм қетим хитайниң җуҗяң вә чаңҗяң дәря делтисидики шәһәрләргә йөткәлгән.

Хитай һөкүмитиниң әмгәк күчлирини сиртларға йөткәш сияситини 2010 - йилиму изчил елип баридиғанлиқини илгири сүрмәктә. Мәлум болушичә, хитай даирилири бу йил 300 миң әмгәк күчини 1 милйон 500 миң адәм қетим йөткәп ишқа орунлаштурудикән.

Хитай даирилири ешинча әмгәк күчлирини сиртларға йөткәш сияситини 2006 - йилидин башлап күчәйтип елип бериватқан болуп, бу уйғур җамаитиниң наразилиқини қозғап кәлмәктә иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт