Xitay, emgek küchlirini sirtlargha yötkesh siyasitini 2010 - yilimu izchil élip baridighanliqini ilgiri sürmekte

Xitay hökümiti yéqinqi yillardin buyan Uyghur élide élip bériwatqan emgek küchlirini sirtlargha yötkesh siyasiti jeryanida bir qisim qirghiz qizlirinimu xitay ölkilirige ishleshke yötkigenliki melum.
Muxbirimiz jüme
2010.02.07
Share on WhatsApp
Share on WhatsApp

5 - Féwral shinxu'a agéntliqida körsitishiche, gu'angdung ölkisining dunggüen nahiyisidiki melum zawutta ishlewatqan gülxeyri qadir, shu xildiki qirghiz qizlirining bir iken.

Xewerde melum bolushiche, xitay yerlik hökümiti Uyghur élide xitay bolmighan milletlerning qizliridin her yiligha 140 mingni xitayning sherqiy qismidiki sheher rayonlargha yötkep kelmekte iken.

Xewerde aptonom rayonluq emgek küchi we ijtima'iy parawanliq nazaritini tarqatqan sanliq melumatlardin neqil élip körsitishiche, 2008 - yilida Uyghur éli munasiwetlik da'iriliri éshincha emgek küchliridin 1 milyon 870 ming adem qétim yötkigen. Bularning ichide 740 mingdin artuq adem qétim sheher bazarlargha yötkilip xizmetke sélin'ghan bolsa, 160 ming adem qétim xitayning jujyang we changjyang derya déltisidiki sheherlerge yötkelgen.

Xitay hökümitining emgek küchlirini sirtlargha yötkesh siyasitini 2010 - yilimu izchil élip baridighanliqini ilgiri sürmekte. Melum bolushiche, xitay da'iriliri bu yil 300 ming emgek küchini 1 milyon 500 ming adem qétim yötkep ishqa orunlashturudiken.

Xitay da'iriliri éshincha emgek küchlirini sirtlargha yötkesh siyasitini 2006 - yilidin bashlap kücheytip élip bériwatqan bolup, bu Uyghur jama'itining naraziliqini qozghap kelmekte idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.