Ey wéywéy amérika “Zaman” heptilik zhurnili teripidin dunyadiki“Eng tesirlik 100 kishi” ning biri bolup bahalandi

Analizchilar “Zaman” heptilik zhurnilining mezkur qarari xitay hökümitini bi'aram qilip, uni ongaysiz ehwalgha chüshürüp qoyidighanliqini ilgiri sürmekte.

Xitay hökümiti ey wéywéy yoqap kétip bir qanche hepte jim turuwalghandin kéyin, yéqinda uning baj oghrilash seweblik tekshürülüwatqanliqini bildürgen. Lékin uning anisi we ayali hökümetning bu eyiblishini qet'iy ret qilip, uning bilen körüshtürüshni telep qilghan idi.

“Zaman” heptilik zhurnilining bu yilqi “Eng tesirlik shexsler” tizimlikide yene, amérika prézidénti barak obamadin tartip, misir inqilabida muhim rol oynighan tor alaqichi wa'él ghonemghiche, shimaliy koriye diktatori kim jung élning oghli kim jung undin tartip, bérma kishilik hoquq pa'aliyetchisi angsen suchi we wikiliks torining qurghuchisi juliyan assenjéni öz ichige kishiler bar.

Ey wéywéyning 3‏-aprél béyjing ayrodromida saqchilar teripidin tutup kétilishi dunyada zor ghulghula qozghap, nurghun dölet w e xelq'ara teshkilatlar xitayni tenqid qilghan.

Ey wéywéy birdinla dunya axbarat wasitilirining eng diqqitini qozghighan shexslerning biri bolup qalghan idi.