Xitaydiki81 neper eydiz késelliki griptari döletni xizmetchi qobul qilishta salametlik ölchimini bikar qilishqa chaqirdi

Eydiz késili griptari xitayning döletlik emgek idarisi we sehiye ministirliki qatarliq orunlargha murajetname yollap, xitayda ishchi-xizmetchi qobul qilishta salametlik ölchimini bikar qilishni telep qilghan
Muxbirimiz shöhret hoshur
2010.11.30
Share on WhatsApp
Share on WhatsApp
1‏- Dékabir küni xelqaraliq eydiz künidur. Bu kün harpisida xitaydiki 81 neper eydiz késili griptari xitayning döletlik emgek idarisi we sehiye ministirliki qatarliq orunlargha murajetname yollap, xitayda ishchi-xizmetchi qobul qilishta salametlik ölchimini bikar qilishni telep qilghan. Ular murajetnamiside mezkur ölchemlik, xitaydiki eydiz bimarlirining heq-hoquqigha dexli terüz qilghanliqini bildürgen.

Xitay sehiye ministirlikining öktebirning axirida élan qilghan doklatidin ashkarilinishiche, xitaydiki eydiz bimarlirining sani 370ming bolup, eydiz késili bilen ölgenlerning sani 68 mingdur. Yene alaqidar dokilatlarda bayan qilinishiche, xitay boyiche 5 ölke we aptonum rayonda eydizning tarqilishi eng éghir bolup, bularning biri Uyghur aptonum rayonidur. Bu melumatlargha asaslan'ghan Uyghur közetküchiler, yéqinqi yillardin béri Uyghur élida eydiz bilen ölgen Uyghurlarning sanining az dégende 10 mingdin yuquri bolushi mümkinlikini molcherlimekte. Uyghur rayonida eydiz késellirining tarqilish we eydiz bimarlirining ölüsh nisbitining yuquri bolushi, xitayning Uyghur rayonidiki yerlik xelqlerning salametlik we bixeterlik ehwaligha qesten yaki qestsiz halda biperwa qarap kéliwatqanliqiningmu netijisi dep qaralmaqta.  Dunya sehiye teshkilati dunya jama'etchilikige eydiz késellikining xewpini hés qildurush we eydiz bimarlirigha köngül bölüshni emeliyleshtürüsh üchün, 1 ‏-dikabirni eydiz küni qilip békitken we xatirilinip kelmekte.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.