دوكلاتتا يەنە 2011-يىلى خىتايدا يېڭىدىن بايقالغان ئەيدىز يۇقۇمدارلىرىنىڭ 48 مىڭغا يەتكەنلىكى بايان قىلىنىپ، ئەيدىز ھەم ئەيدىزگە مۇناسىۋەتلىك ئەگەشمە كېسەللەر سەۋەبىدىن ئۆلگەنلەرنىڭ 28 مىڭ كىشى ئىكەنلىكى ئىلگىرى سۈرۈلگەن.
مەلۇم بولۇشىچە، خىتايدىكى يۈننەن ئۆلكىسى ھەم ئۇيغۇر ئاپتونوم رايونى قاتارلىق جايلار ئەيدىز يۇقۇملىنىشى ئەڭ ئېغىر جايلار دەپ قارىلىۋاتقان بولۇپ، خىتاي ھۆكۈمىتىنىڭ بۇ رايونلاردىكى ئەيدىزنى كونترول قىلىش تەدبىرلىرىنىڭ مۇكەممەل بولماسلىقى ھەم ئەيدىز بىمارلىرىنىڭ داۋالىنىش جەريانىدا كەمسىتىلىشى قاتارلىق مەسىلىلەر، كىشىلىك ھوقۇق تەشكىلاتلىرىنىڭ خىتاينى تەنقىدلىشىدىكى مۇھىم ئامىللارنىڭ بىرى بولۇپ كەلمەكتە.