فىلىپپىن خىتاينى ئۆز دېڭىز تەۋەلىكىگە كىرگەنلىكى بىلەن ئەيىبلىدى
8 - يانۋار كۈنى فىلىپپىن تاشقى ئىشلار مىنىستىرلىكى بايانات ئېلان قىلىپ، خىتاي پاراخوتلىرىنىڭ فىلىپپىن دېڭىز تەۋەلىكىگە كىرىپ، فىلىپپىننىڭ ئىگىلىك ھوقۇقىغا تاجاۋۇز قىلغانلىق بىلەن ئەيىبلىدى. بىرلەشمە ئاگېنتلىقىنىڭ خەۋەر قىلىشىچە، فىلىپپىن ھۆكۈمىتى بۇ مەسىلىگە جىددىي كۆڭۈل بۆلىدىغانلىقىنى ئەسكەرتكەن شۇنىڭدەك خىتاينىڭ «جەنۇبىي دېڭىزدىكى ھەر قايسى تەرەپلەرنىڭ ھەرىكەت خىتابنامىسى» دا كۆرسەتكەن ۋەدىلىرىگە خىلاپلىق قىلغانلىقىنى ئاگاھلاندۇرغان.
مۇخبىرىمىز ئۈمىدۋار
2012-01-08
u0108-pmn4.mp3
فىلىپپىن تاشقى ئىشلار مىنىستىرلىكى بۇ بىلدۈرۈشنى خىتاينىڭ مانىلادىكى ئەلچىخانىسىغا ئۇقتۇرغان.
جەنۇبىي دېڭىزدىكى سىپراتىل ۋە پاراسىل تاقىم ئاراللىرىنىڭ ئىگىلىك ھوقۇقى مەسىلىسى ئۇزۇندىن بۇيان خىتاي، فىلىپپىن، ۋېتنام، مالايشىيا قاتارلىق دۆلەتلەر ئارىسىدا تالاش - تارتىش قوزغاپ كېلىۋاتقان ئىدى. بۇ دۆلەتلەر خىتاينى ئۆز دېڭىز تەۋەلىكىگە كىرگەنلىك بىلەن دائىم ئەيىبلىمەكتە. بۇ جەھەتتە فىلىپپىن بىر قەدەر ئاكتىپ ھېسابلىنىدۇ.
