Filippin qoshna döletlerni xitay tehditige qarita agahlandurdi

Filippin prézidénti benigno akino bügün déngiz teweliki mesilisi heqqide pikir bayan qilip, qoshna döletlerni xitaydin kélidighan tehditke qarita agahlandurdi.
Muxbirimiz shöhret hoshur
2012.04.23

Akino sözide xitay terepning talash-tartishtiki déngiz tewelikige qarita telipining barghanséri chongiyiwatqanliqini, yene xitay telep qiliwatqan tewelikning filippin qirghiqigha qarap yéqinlishiwatqanliqini bayan qildi. U yene sözide xitayning meylige qoyuwetse, teweliktiki pütün déngizni kontrol astigha élishni oylishiwatqanliqini, buninggha nisbeten qoshna döletlerning segek bolushi kéreklikini eskertti.

Fransiye axbarat agéntliqining bügünki bu heqtiki xewiride bildürülüshiche, filippin hökümiti aldinqi küni filippinning kéler hepte amérika bilen mezkur déngiz tewelikining bixeterliki heqqide yighin achidighanliqini we yighinning washin'gtonda échilidighanliqini bildürgen.

Filippin bilen xitay arisida talishiliwatqan mezkur aralni xitaylar xu'angyen arili dep ataydu, filippin terep bolsa panatag arili dep ataydu. Melum bolushiche, aralning filippin quruqluqi bilen bolghan musape ariliqi 230 kilométir, xitay quruqluqi bilen bolsa 1200 kilométir. Filippin amérikining tinch okyan rayonidiki ittipaqdashliridin biri bolup, ikki terep arisida bixeterlik kélishimi boyiche, filippin terep tajawuzchiliqqa uchrisa amérikining yardem bérish mejburiyiti bar.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.