خىتاي، فىلىپپىن پايتەختى مانىلاغا قاتنايدىغان خىتاي ھاۋا يولى مۇلازىمىتىنى بىر مەزگىل توختاتماقچى

يېقىندىن بۇيان خىتاي بىلەن فىلىپپىن ئارىسىدا سكاربورو يەنى خىتايلار خۇاڭيەن ئارىلى دەپ ئىسىم قويۇۋالغان ئارال ھەم ئۇنىڭ ئەتراپىدىكى دېڭىز تەۋەلىكى مەسىلىسىدىكى تالاش-تارتىش بارغانچە كۈچىيىپ، ئىككى دۆلەت ئارىسىدا تىركىشىش ۋەزىيىتى شەكىللەنگەن ئىدى.

تۈنۈگۈن خىتاي ھەم فىلىپپىن تەرەپ ئايرىم-ئايرىم ھالدا بايانات ئېلان قىلىپ، سكاربورو ئارىلى ئەتراپىدىكى دېڭىز تەۋەلىكىدە يېقىنقى بىر مەزگىل ئىچىدە بېلىق تۇتۇش ھەم باشقا پائالىيەتلەرنىڭ ۋاقىتلىق توختايدىغانلىقىنى بىلدۈرگەن ئىدى. نۆۋەتتە جەنۇبىي دېڭىزدا داۋاملىشىۋاتقان خىتاي بىلەن فىلىپپىن ئارىسىدىكى دېڭىز تەۋەلىكى مەسىلىسى ھەققىدىكى تالاش-تارتىش خەلقئارا مەتبۇئاتلارنىڭ دىققەت نۇقتىسى بولماقتا.