Filippin we wyétnam xitayning jenubiy déngizdiki sheher qurulushigha naraziliq bildürdi

Filippin tashqi ishlar ministiri bügün muxbirlargha bergen bayanatida, filippin hökümitining xitayning filippindiki bash elchisini chaqirip, uninggha naraziliq xéti tapshurghanliqini bildürdi. Wyétnam tashqi ishlar bayanatchisimu seyshenbe küni muxbirlargha bayanat bérip, xitayning wyétnamgha yéqin déngiz tewelikide sensha shehirini qurup wyétnamning jenubiy déngizdiki arallargha bolghan igilik hoquqigha tajawuz qilghanliqini eyiblidi.

Xelq'ara metbu'atlarning xewer qilishiche, xitay hökümiti 24-iyul küni jenubiy déngizdiki xitaylar yungshin dep ataydighan aralda sensha shehiri qurulghanliqini jakarlap, araldiki xelqning turmushini yaxshilaydighanliqi heqqide wede bergen. B b s agéntliqining xewiride xitayning bu qilmishidin narazi bolghan filippinning, jenubiy déngizdiki igilik hoquqini qoghdash üchün, eskerlirini köpeytip, amérikidin 40 dane yéngi tiptiki ayropilan sétiwalghanliqi bayan qilinip, jenubiy déngiz weziyitining barghanche jiddiylishiwatqanliqi ilgiri sürüldi.