Филиппин хитайниң җәнубий деңизға деңиз чарлаш парахотлири сәплигәнликигә қарши турди

Филиппин һөкүмити җүмә күни баянат елан қилип, хитайниң җәнубий деңизға йеңи чарлаш парахотлирини сәплигәнликигә күчлүк қарши туридиғанлиқини билдүрди.
Мухбиримиз әркин
2012.12.28
Share on WhatsApp
Share on WhatsApp

Филиппин ташқи ишлар министирлиқи баянатчиси раул хернандезниң билдүрүшичә, ихтилаптики деңиз тәвәликидә елип берилған бу хил чарлаш һәрикити хитайниң һәқлиқ икәнликини испатлиялмайду.

У: филиппинлиқлар хитай даирилири филиппинға қарашлиқ ғәрбий филиппин деңизида елип барған чарлаш һәрикитигә күчлүк қарши туриду, дегән.

Хитай шинхуа агентлиқи пәйшәнбә күнлүк хәвиридә, тикучар қоналайдиған чарлаш парахотлириниң җәнубий деңизға орунлаштурулидиғанлиқини билдүргән.

Хитай бу йил 11‏-айда чегра қоғдаш сақчилириға талаш-тартиштики деңизға киргән чәтәл парахотлирини тохтитип тәкшүрүш һоқуқи бәргән иди. Мунасивәтлик тәрәпләр буниң талаш-тартиштики бу районда қошна әлләр оттурисидики өз-ара қаршилишишни техиму күчәйтиветишидин әнсиригән.

Бу йил 4‏-айда хитай-филиппин икки тәрәп чарлаш парахотлири скарбори арили әтрапида тиркишип қелип, икки дөләт мунасивити өткүрлишип кәткән иди. Филиппин даирилириниң илгири сүрүшичә, икки тәрәп чарлаш парахотлирини тәң чекиндүрүшкә келишип, филиппин тәрәп парахотлирини чекиндүргән болсиму, бирақ хитай тәрәп вәдисидә турмиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.