Amérika iranni formuz boghuzi qatnishigha tosalghuluq qilmasliqqa agahlandurdi

Amérika déngiz armiyisi charshenbe küni iranni agahlandurup, formuz boghuzi qatnishigha tosalghuluq qilidighan herqandaq heriketke süküt qilip turmaydighanliqini bildürdi.
Muxbirimiz erkin
2011.12.28
Share on WhatsApp
Share on WhatsApp

Amérikining behreyinde turushluq 5‏-plotining bayanatchisi rayondiki amérika qisimlirining “Her waqit yaman gherezlik heriketlerge” qarshi teyyar turghanliqini tekitligen. Iran mu'awin prézidénti muhemmet riza reximi aldinqi küni agahlandurup, eger gherb iran'gha ilgirilep émbargo yürgüzse, iranning formuz boghuzi qatnishini üzüp tashlaydighanliqini bildürgen idi.

Amérika 5‏-déngiz plotining bügün élan qilghan bayanati reximining sözige qayturghan inkasidur. 5‏-Plotning bayanatchisi rébika rébarik xanim yene eskertip, “Tawar we mulazimet xizmitining formuz boghuzi arqiliq erkin ötüshüp turushi rayonning we dunyaning tereqqiyatida intayin muhim ehmiyetke ige” dégen.

Formuz boghuzi se'udi erebistan, qatar, kuweyt, behreyin, ereb birleshme emirliki qatarliq pars qoltuqidiki eller néfit éksport we tawar import qilidighan eng muhim qatnash tügüni. Dunyada paraxot arqiliq éksport qilinidighan néfitning 40% i mezkur boghazdin ötidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.