Франсийә бүгүн камбоджани агаһландурди

Франсийә агентлиқиниң баян қилишичә, франсийә ташқи ишлар министири бернард валеро бүгүн камбоджаға агаһландуруш берип, хитайдики “бошиләй делоси” да нами тилға елинған франсийилик бинакар патрик девиллер, қанунлуқ пакит болмиған әһвал астида қолға елинмаслиқи керәк дәп җакарлиди.
Мухбиримиз вәли
2012.06.20


Франсийиниң камбоджада турушлуқ әлчиханиси түнүгүн, камбоджа даирилири франсийилик бинакар девиллерни қолға алди дәп баян қилған, камбоджа сақчилириму бу һәқтә чүшәнчә берип, бу франсийә пуқраси бейҗиңниң һәмкарлиқи билән вә хитайға өткүзүп бериш тәлипигә асасән қолға елинди дәп баян қилған иди.

Камбоджа 2009 - йили хитайниң бир милярд икки йүз милйон америка доллирилиқ ярдимигә игә болуш үчүн, камбоджаға қанунлуқ кәлгән 20 нәпәр уйғурни қолға елип хитайға өткүзүп берип, хәлқарада қаттиқ әйибләнгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.