Fransiye bügün kambodzhani agahlandurdi

Fransiye agéntliqining bayan qilishiche, fransiye tashqi ishlar ministiri bérnard waléro bügün kambodzhagha agahlandurush bérip, xitaydiki “Boshiley délosi” da nami tilgha élin'ghan fransiyilik binakar patrik déwillér, qanunluq pakit bolmighan ehwal astida qolgha élinmasliqi kérek dep jakarlidi.
Muxbirimiz weli
2012.06.20


Fransiyining kambodzhada turushluq elchixanisi tünügün, kambodzha da'iriliri fransiyilik binakar déwillérni qolgha aldi dep bayan qilghan, kambodzha saqchilirimu bu heqte chüshenche bérip, bu fransiye puqrasi béyjingning hemkarliqi bilen we xitaygha ötküzüp bérish telipige asasen qolgha élindi dep bayan qilghan idi.

Kambodzha 2009 - yili xitayning bir milyard ikki yüz milyon amérika dolliriliq yardimige ige bolush üchün, kambodzhagha qanunluq kelgen 20 neper Uyghurni qolgha élip xitaygha ötküzüp bérip, xelq'arada qattiq eyiblen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.