Г 20 алий дәриҗилик учришиши дунявий пул урушиға йүзләнмәктә

Б б с ниң баян қилишичә, 11‏ - айниң 11‏ - күни сеул шәһиридә өткүзилидиған санаәтләшкән 20 дөләт башлиқлириниң алий дәриҗилик учришиши (г 20 йиғини)да, оттуриға қоюлидиған пулниң обороттики қиммити мәсилсии тоғрисида бүгүнла хәлқарада җиддий муназирә қозғалди.
Мухбиримиз вәли
2010-11-10
Елхәт
Пикир
Share
Принт

Һазир җәнубий корийини зиярәт қиливатқан америка президенти обама, әтә г 20 йиғинида башқа дөләтләрни, дунявий иқтисадий кризисқа америка билән бирликтә тақабил турушқа чақирмақчи.

Хәвәрдә ейтилишичә, ху җинтав бүгүн 'хитай һәрқандақ чоң бесимға дуч кәлгән әһвалдиму, хәлқ пулиниң қиммитини сақлап қалиду' дәп җакарлиди. Мутәхәссисләрниң баян қилишичә, һазир америка қолланған 'пулиниң миқдарини көпәйтиш' сиясити, америка мәркизи банкиси өзи америка зайомини сетивелиш шәкли билән америка доллирини базарда оборотқа қатнаштуруп, америка иқтисадиниң гүллинишини тезлитидиған сиясәт.

Бу җәрянда америка доллириниң қиммити төвәнләйду. Әмма хитай, америка доллириниң пахаллишишини тосуш билән биргә, өзиниң пулиниң қиммитини сақлап қалмақчи. Америкиму, хитайму експортни көпәйтишни халайду. Америка експортни көпәйтиш арқилиқ иқтисадий кризистин қутулмақчи, әмма хитай експортни көпәйтиш арқилиқ иқтисадини юқири өрләтмәкчи. Башқа дөләтләр буниңға қандақ маслишиду? мана бу һазирқи муназириниң от нуқтиси.
 
Г 20 дегән тәшкилат 1999 ‏ - йили 12‏ - айниң 16‏ - күни г 8 дегән тәшкилат асасида берлинда қурулған. У 2008‏ - йили йәр шари характерлик пул - муамилә кризиси йүз бәргәндә җиддий тәдбир қолланған вә пүтүн дуняға чақириқ чиқарған иди.


 
Пикирләр (0)
Share
Толуқ бәт