Герман инженерниң хитай хотуни униң иштин бошитилишиға сәвәб болди

Иштин қоғланған браин исимлик енжинер ширкәтни “әмгәкчиләр қануни” ға хилаплиқ қилиш билән сотқа әрз қилған. Әмма сот отфорк ширкитидәк германийә армийисини муһим һәрбий лазимәтләр билән тәминләйдиған бир ширкәтниң һәрбий мәхпийәтликләрниң бихәтәрлики үчүн тәдбир елишини йоллуқ дәп қарап, униң әрзини рәт қиливәткән.

Б б с ниң хәвәр қилишичә, браин сотниң һөкүмигә рази болмай, юқири дәриҗилик сотқа әрз қилған. юқири дәриҗилик сот ширкәтниң қилмишини пуқраларниң әркин никаһлишиш һоқуқиға хилап, дәп қарап илгирики сот қарарини ағдурувәткән.

Сотниң бекитиши билән браин ширкәттин 7 айлиқ төләм пули утқан болсиму, әмма йәнила ишиға қайтип баралмиған. Мәзкур дава германийә җамаәтчиликиниң диққитини қозғиған.

Хитайниң чәтәлләрдики җасуслуқ паалийәтлири йеқиндин буян хәлқараниң бирдәк қаттиқ наразилиқиға учрап келиватқан иди.

Илгири америка, канада, германийә қатарлиқ дөләтләрдә хитайниң юқири техникилиқ һәрбий лазимәтләр вә иқтисадий саһәгә аит җасуслуқ паалийәтлири көп қетим байқилип, алақидар кишиләр җазаға учриған болсиму, хитай өзиниң чәтәлләрдики җасуслуқ паалийәтлирини изчил рәт қилип кәлмәктә.