Gérmaniyilik siyasetchiler mérkilning xitay ziyaritide kishilik hoquqni chetke qayrip qoymasliqini telep qildi
2012.08.29
Rus gérmaniye “Réyin pochta géziti” ning ziyaritini qobul qilip: biz mérkilning bu qétimliq xitay sepiride noqul iqtisadi menpe'etni asasliq orun'gha qoyup qalmay, xitay terep bilen kishilik hoquq mesilisi we xitayning süriyidiki esed hökümitini qollawatqanliq mesilisini muzakire qilishini ümid qilimiz, dégen.
Klawdiye rus bilen birge yene, gérmaniye fédiral parlaménti kishilik hoquq we insanperwerlik yardem komitétining re'isi tam ko'énigsmu mérkélgha chaqiriq qilip, xitay bilen kishilik hoquq mesilisini sözlishishni telep qilghan. Kishilik hoquq komitétining yéshillar partiyisidin bolghan mezkur rehbiri, gérmaniye radi'osining ziyaritini qobul qilghanda eskertip, mérkilning noqul iqtisadi mesililerge merkezliship qalghanliqini, lékin söz erkinlikining yéqindin buyan xitayda qattiq cheklimige uchrighanliqini bildürgen.
Tam ko'énigs, mérkilning xitaygha kishilik hoquqning chek-chégrisini körsitip bérishi, xitay kishilik hoquq teshkilatlirini qollash kérekliki we lyu shawbo mesilisini otturigha qoyushi qatarliqlarni telep qilghan. Mérkilning xitay ziyariti peyshenbe küni bashlinidu. Buningdin bir qanche kün ilgiri xitayda xizmet qilidighan bir qisim gérmaniyilik muxbirlar mérkilgha xet yézip, xewer bérish erkinlikige kapaletlik qilishni telep qilghan.