“Gherbning gazini sherqqe yötkesh 3‏-liniyisi” de qurulush bashlan'ghan

Uyghur élining qorghas nahiyisidin bashlinip, xitayning gensu, ningsha qatarliq 10 ölke-aptonom rayonini bésip ötidighan mezkur turuba yolining omumiy uzunluqi 7378 kilométir bolup, axirqi menzili fujogha yétip baridu. Mezkur qurulushqa xitay döletlik néfit shirkiti qatarliq orunlar meblegh salghan. 20 Milyard dollargha yéqin meblegh sélin'ghan bu qurulushning 2015‏-yildin burun pütüp chiqishi pilanlan'ghan.

Shinxu'a axbarat agéntliqining ashkarilishiche, mezkur turuba yoli yilda 30 milyard kub métir gaz yötkesh iqtidarigha ige. Eger turuba yoli pütüp chiqip ishqa kirishtürülse, ottura asiya elliridin sétiwélinidighan 25 milyard kub métiri gaz we Uyghur élidin qézilidighan 5 milyard kub métir gaz, mushu turuba yoli arqiliq ichki ölkilerge yetküzülidiken.

“Gherbning gazini sherqqe yötkesh turuba qurulushi” ning 1‏-liniyisi 2004‏-yili pütüp ishqa kirishken. Mezkur liniye Uyghur élining bügün nahiyisidin bashlinip, shangxeyge tutashqan. 2‏-Liniyisi bolsa Uyghur élidin gu'angdunggha tutashturulghan idi.

Biraq mezkur gaz turuba qurulush, Uyghur teshkilatlirining we muhitni qoghdighuchilarning izchil tenqidige uchrap kelgen. Mezkur qurulushni tenqid qilghuchilar, uning Uyghurlar payda yetküzmeyla qalmay, ularning turmush usuli, medeniyiti we muhitigha buzghunchiliq qilghanliqini ilgiri sürüp keldi.

Xitay dölet kabinéti gaz turuba yolining 3‏-liniyisi qurulushini bu yilning bashlirida testiqlighan. Mezkur qurulushning 52% meblighini xitay döletlik néfit shirkiti salghan. Qalghan qismini “Baw'en” polat tömür guruhi bilen xitay ijtima'iy sughurta fondi üstige alghan.