Хәлқарадики нопузлуқ кишилик һоқуқ тәшкилатлири хитайниң ғәйрәт ниязни түрмигә ташлиғанлиқини әйиблиди

Хәлқарадики нопузлуқ кишилик һоқуқ тәшкилатлири шәнбә күни баянат елан қилип, хитайниң ғәйрәт ниязни түрмигә ташлиғанлиқини әйиблиди.
Мухбиримиз җүмә
2010.07.24
Share on WhatsApp
Share on WhatsApp

Үрүмчи оттура сот мәһкимиси пәйшәнбә күни йепиқ сот ечип, уйғур журналист ғәйрәт ниязни 15 йиллиқ қамақ җазасиға һөкүм қилған иди.

Шәнбә күни мәркизий париждики чегрисиз мухбирлар тәшкилати баянат елип қилип мәзкур сот һөкүмидин " қаттиқ һәйран қалған" лиқини билдүрди.

Уйғур журналист ғәйрәт нияз 2009 - йилидики" 5 - июл үрүмчи вәқәси" дин кейин қолға елинған. Ғәйрәт нияз әйни вақитта ғәрб мәтбуатлириға хитайниң уйғур елигә қаратқан сиясәтлири вә мәзкур вәқә һәққидә пикир баян қилған иди. Чегрисиз мухбирлар тәшкилати баянатида " мәзкур вәқәләр һәққидә пикри баян қилиштин өзгә җинайити йоқ адәмгә бу қәдәр еғир җаза бериш, башқа журналист вә тор язғучилирини түрмигә ташлаш арқилиқ, хитай һөкүмити мәсилини кеңишип һәл қилиш имканлирини қоймиди" дәп язған.

Хәлқара кәчүрүм тәшкилати җүмә күнидики баянатида, ғәйрәт ниязға берилгән җазани " қәбиһ" дәп көрсәтти.

Хитайдики кишилик һоқуқни қоғдаш тәшкилати җүмә күни елан қилған баянатида, ғәйрәт нияз үстидин ечилған сотиниң адил болмиғанлиқини илгири сүрди.

Мәркизи ню - йорк тики хитайдики кишилик намлиқ кишилик һоқуқ тәшкилатиму баянат елан қилип, "хитайда икки милләт арисида чүшинишини илгири сүрүшкә тиришчанлиқи көрситип келиватқан бир язғучиниң еғир җазаға" тартилғанлиқини илгири сүрди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.