Bir qisim dangliq xitay pa'aliyetchiler Uyghur zhurnalist gheyret niyazning 15 yilliq késilgenlikige naraziliq bildürüp imza toplashqa bashlighan

Bir qisim dangliq xitay pa'aliyetchiler Uyghur zhurnalist gheyret niyazning 15 yilliq késilgenlikige naraziliq bildürüsh we uning qoyup bérilishini qolgha keltürüsh üchün imza toplashqa bashlighan. Birleshme agéntliqida körsitishiche, mezkur imza toplash pa'aliyiti xitay ichide élip bérilghan bolup, xetke nöwette 23 neper xitay ziyaliysi imza qoyghan. Xet xitaydin xongkonggha élxet arqiliq yollan'ghan we jüme küni xongkongda élan qilin'ghan.
Muxbirimiz jüme
2010.07.31
Share on WhatsApp
Share on WhatsApp
Xet xongkongdiki xitay kishilik hoquq qoghdighuchiliri teshkilati teripidin élan qilin'ghan. Gheyret niyaz " 5 - iyul ürümchi weqesi" heqqide gherb metbu’atlirigha pikir bayan qilghan idi. Xetke xitaydiki dangliq kishilik hoquq adwokati téng byaw we xitay ijtima'iy penler akadémiyisining sabiq qanun tetqiqatchisi fen yaféng qatarliqlar imza qoyghan. Xet jüme küni "Uyghurbiz" toridimu élan qilin'ghan idi. Téng byaw we fen yafénglar birleshme agéntliqigha mezkur xetke imza qoyghanliqini delilligen. Ötken hepte xelq'aradiki nopuzluq kishilik hoquq teshkilatlirimu arqa - arqidin bayanat élan qilip, xitayning gheyret niyazgha 15 yilliq qamaq jazasi bergenlikini eyibligen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.