Tashqi siyaset zhurnilida gheyret niyaz tonushturuldi

“Namsiz qehrimanlar” dep isim qoyulghan bu maqalide gheyret niyaz bilen birlikte dunyadiki oxshimighan rayon we milletlerdin bolup, jem'iy 12 kishi tonushturulghan. Maqalide mundaq déyilgen:
Adaletsizlikke qarshi küresh qiliwatqan bir qisim qehrimanlar dunya jama'etchilikige tolimu natonush. Emma bu, ularning tonulushqa layiq emeslikini ipadilep bermeydu. Töwendikiliri mana bu kishiler ichidiki diqqet qilishqa erziydighanliridur.

Maqalide gheyret niyazning Uyghur élidiki tonulghan tor béketlerdin Uyghur biz torining tehriri ikenliki, uning 2009-yilidiki ürümchi weqeside chet'el muxbirlirigha söz qilghanliqi üchün xitay da'iriliri teripidin “Dölet bixeterlikige tehdit peyda qilish” jinayiti bilen 15 yilliq qamaq jazasigha höküm qilin'ghanliqi heqqide melumat bérilgen. Shuning bilen bir waqitta dangliq tor bet qurghuchiliridin dilshat perhat, nur'eli, nijat azadlarningmu Uyghur éli sot da'iriliri teripidin qamaqqa élin'ghanliqi tilgha élin'ghan.

Maqalide özbékistan, türkmenistan, ezerbeyjan, se'udi erebistan, éritiriye, hindonéziye qatarliq döletlerdiki gheyret niyaz bilen teqdirdash kishilik hoquq aktiplirining ish izliri tonushturulghan.