Xitay saqchi da'iriliri Uyghur zhurnalist gheyret niyazni qolgha alghan

Xitay da'iriliri "Uyghurbiz" tor békitining bashqurghuchisi, "shinjang iqtisad géziti"ning muxbiri gheyret niyazni "dölet bixeterlikige xewp - xeter yetküzgenlik" sewebidin qolgha alghan.
Muxbirimiz erkin
2009.10.30

Xewerlerge qarighanda, xitay saqchi da'iriliri gheyret niyazni 1 ‏- öktebir küni öyidin élip kétip 3 kündin kéyin ‏uning yuqiriqi sewebtin qolgha élin'ghanliqini uqturghan.

Weqedin xewerdar erbaplarning chet'el axbarat wastilirigha ashkarilishiche, gheyret niyazning a'ile tawabatidikiler gheyretning qolgha élinishi uning "5 ‏- iyul weqesi"din kéyin chet'el metbu'atlirining ziyaritini qobul qilip, Uyghur aptonom rayoni da'irilirini tenqidligenliki bilen munasiwetlik ikenlikige ishinidighanliqini bildürgen.

Gheyret niyaz "5 - iyul weqesi" yüz bérishtin bir kün burun Uyghur aptonom rayonining re'isi nur bekri bilen bolghan sawaqdashliq munasiwitidin paydilinip uning bilen körüshüp, uni tor bétidiki munazirilerdin xewerdar qilghan shundaqla nur bekridin 5 - chésladiki namayishning milliy toqunushqa aylinip kétishining aldini élishni telep qilghan.

Lékin nur bekri gheyret niyazning agahlandurushigha qulaq salmighan idi. Gheyret niyaz ilgiri amérika birleshme agéntliqi muxbirining ziyaritini qobul qilip, "bezide siz, junggoda hetta kishilik hoquqni qoghdisingizmu, eger kichikkine ashuruwetsingiz balagha qalisiz" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.