غۇلجىدا 'تۆتنى ئېنىقلاش، تۆتنى ئىگىلەش' خىزمىتى كۈچەيتىلىدىكەن

خىتاي دائىرىلىرى بۇ يىل ياز ئايلىرىدىن باشلاپ بۇ خىل ھەرىكەتنى يولغا قويغان بولۇپ، بۇ ھەرىكەتنىڭ ئاساسلىق يەنىلا ئۇيغۇرلارنى نىشان قىلغانلىقى مەلۇم بولغان، چەتئەللەردىكى ئۇيغۇر پائالىيەتچىلىرى بۇنىڭ ئۇيغۇرلارنىڭ كىشىلىك ھوقۇقلىرىغا قىلىنغان يەنە بىر قېتىملىق تاجاۋۇز ئىكەنلىكىنى ئىلگىرى سۈرۈشمەكتە.

مەلۇم بولۇشىچە، تۆتنى ئىگىلەش، تۆتنى ئېنىقلاش ھەرىكىتى بويىچە ھەرقايسى يېزا - كەنت كادىرلىرىنىڭ سىياسىي كۆز قارىشى تەكشۈرۈلىدىغان بولۇپ، خەۋەردە ھەر دەرىجىلىك كادىرلارنىڭ يىلدا بىر قېتىم ئۆز ئەھۋالىنى خۇلاسىلىشى، ھەركۈنى ئەتىگەندە يىغىن ئېچىشى، ھەپتىدە بىر قېتىم خۇلاسە يىغىن ئېچىشتا چىڭ تۇرۇشى تەلەپ قىلىنغان.

رادىئومىز ئىلگىرى بۇ ھەقتە ئىگىلىگەن ئۇچۇرلاردىن ئۇيغۇر ئېلىدىكى كەنت - يېزىلاردا كادىرلارنىڭ ئۆزلىرىگە تەقسىم قىلىپ بېرىلگەن سان بويىچە، ئۆيمۇ - ئۆي كىرىپ ئۇيغۇر ئاھالىلىرىدىن ئەھۋال ئىگىلەۋاتقانلىقى مەلۇم بولغان ئىدى.