Ghuljida 'tötni éniqlash, tötni igilesh' xizmiti kücheytilidiken

Xitay da'iriliri ghuljida tötni éniqlash, tötni igilesh xizmitini téximu ching tutup élip baridiken. Ghulja amanliq toridin ashkarilinishiche, bundin kéyin ghulja shehiridin herqaysi yéza - kentlergiche "tötni éniqlash, tötni igilesh" xizmiti téximu keng qanat yaydurulup, téximu inchikilep tekshürüsh, muqimlashturush élip bérilidiken.
Muxbirimiz irade
2010.10.28
Share on WhatsApp
Share on WhatsApp

Xitay da'iriliri bu yil yaz ayliridin bashlap bu xil heriketni yolgha qoyghan bolup, bu heriketning asasliq yenila Uyghurlarni nishan qilghanliqi melum bolghan, chet'ellerdiki Uyghur pa'aliyetchiliri buning Uyghurlarning kishilik hoquqlirigha qilin'ghan yene bir qétimliq tajawuz ikenlikini ilgiri sürüshmekte.

Melum bolushiche, tötni igilesh, tötni éniqlash herikiti boyiche herqaysi yéza - kent kadirlirining siyasiy köz qarishi tekshürülidighan bolup, xewerde her derijilik kadirlarning yilda bir qétim öz ehwalini xulasilishi, herküni etigende yighin échishi, heptide bir qétim xulase yighin échishta ching turushi telep qilin'ghan.

Radi'omiz ilgiri bu heqte igiligen uchurlardin Uyghur élidiki kent - yézilarda kadirlarning özlirige teqsim qilip bérilgen san boyiche, öymu - öy kirip Uyghur ahaliliridin ehwal igilewatqanliqi melum bolghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.