Penjim saqchixanisidin 2 dane tapancha we 50 pay oq oghrilandi

Yerlik ahalilerdin birining inkas qilishiche, ghulja shehirining penjim yéziliq saqchixanisida, aldinqi hepte 2 dane tapancha we 50 pay oq yütüp kétish weqesi yüz bergen.
Muxbirimiz shohret hoshur
2010-08-31
Share

Weqe yüz bergen küni namelum kishi yaki kishiler penjim saqchixanisigha kéchide yoshurun kirip, aldi bilen saqchixanigha orunlashturulghan kaméra sistémisini buzuwetken. Arqidin 2 dane tapancha we 50 pay oqni élip chiqip ketken.

Muxbirimiz weqe heqqide melumat élish üchün penjim yéziliq saqchixanigha téléfon qilghinida, saqchixana bashliqi ablet weqening rastliqini ashkarilighan, emma weqening tepsilatini yuqiri derijilik saqchi organliridin éniqlashni tewsiye qilghan.

Melum bolushiche weqening, aqsuda partlitish weqesi yüz bergen mezgilge toghra kélishi alaqidar tarmaqlarni sarasimge salghan. Muxbirimiz yene weqe heqqide yerlik ahalilerdin melumat sorighanda, ahaliler, weqe heqqidiki so'algha jawap bérishtin özini qachurghan. Buningdin qarighanda yéza etrapida weqe toghriliq jiddiy tekshürüsh we soraqning dawam qiliwatqanliqi bayqalmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet