Gérmaniye tashqi ishlar ministiri xitayni kishilik hoquqqa hörmet qilishqa dewet qildi

Gérmaniye mu'awin bash ministiri we tashqi ishlar ministirliq wezipisini ötewatqan guydo wéstérwél 16 - yanwar küni özining tunji xitay ziyaritini axirlashturghanda, xitayni kishilik hoquqqa téximu ilgiriligen halda hörmet qilishqa dewet qilghanliqini bildürgen.
Muxbirimiz ümüdwar
2010.01.17
Share on WhatsApp
Share on WhatsApp

En'gliye radi'o - téléwiziye shirkiti b b s ning bu heqtiki xewiride ilgiri sürülüshiche, guydo wéstérwél özining xitay tashqi ishlar ministiri yang jéchi bilen körüshkende kishilik hoquq mesilisi hemde az sanliq milletlerning hoquqlirini qoghdash we tibet mesilisini otturigha qoyghanliqi, yangning bu mesilide ikki terepning oxshimighan pikri mewjut ikenlikini étirap qilghanliqini bildürgen. Emma, xewerde az sanliq milletler mesilisi qatarida Uyghur mesilisining qanchilik derijide tekitlen'genliki heqqide melumat yoq.

Biraq, guydo wéstérwél yene özining söhbet jeryanida xitayning intérnét alaqilirigha bolghan cheklimisi mesilisinimu otturigha qoyghanliqini tekitligen.

Guydo wéstérwél gérmaniye parlaméntining bir qisim ezaliri we karxanichilarni bashlap xitayda ikki kün ziyarette bolghan. Uning wén jyabaw bilen bolghan uchrishishida , wén jybaw junggoning qet'iy tewrenmey ishikni sirtqa échiwétish siyasitini dawamlashturudighanliqini bildürgen.

Guydo wéstérwél, wén jyabaw bilen körüshkendin kéyin muxbirlargha, "ajiz topluqlar (xelqler) ning axbarat we söz erkinlikini qoghdash gérmaniye diplomatiyisining muhim aldinqi sherti"dep tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet