Баварийә баш министири хитайниң мюнхендики уйғур тәшкилатлирини террорлуқ гуруһ дәп тонуш тәлипини рәт қилған

Германийиниң баварийә штати хитай һөкүмитиниң дуня уйғур қурултийи қатарлиқ тәшкилатларниң паалийитини террорлуқ һәрикәт дәп тонуш тоғрисидики тәлипини рәт қилған.
Мухбиримиз әркин
2010-04-30
Share

Германийә мәтбуатлириниң хәвәрлиридә, баварийә штатиниң баш министири хорист сехофер хитайни зиярәт қилип, хитай билән сөһбәт елип барғанлиқини, сөһбәт җәрянида хитай рәһбәрлириниң дуня уйғур қурултийи қатарлиқ баварийәдики уйғур тәшкилатлириниң паалийитини террорлуқ һәрикәт дәп тонушни тәләп қилғанлиқини, лекин хорист сехоферниң бу тәләпни рәт қилғанлиқини илгири сүргән.

Баварийә ички ишлар министирлиқи мюнхендики бир йәрлик гезиттә баянат елан қилип, "германийидә паалийәт елип бериватқан тәшкилатларни, болупму дуня уйғур қурултийини диний әсәбиликни тәшәббус қилиду вә террорлуқ мәқсити бар дәп қараш яки зораванлиқни қоллайду дәп һесаблашниң һечқандақ сәвәби йоқ" дәп тәкитлигән.

Баянатта йәнә, германийидики етник гуруһларниң хитайдики уйғур аз санлиқларни зораванлиққа йетәклигәнликигә даир һечқандақ пакит йоқлуқини билдүргән. Баварийә уйғурларниң сиясий һәрикити әң актип районларниң бири болғанлиқтин, хитай һөкүмити узундин бери диққәт қилип кәлгән иди.

Өткән йили 11 ‏ - айда германийә сақчилири мюнхендики бир туралғуда ахтуруш елип берип, мәзкур шәһәрдики уйғурларни көзитиватқан 4 нәпәр хитай җасус гумандарини тәкшүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт