Gérmaniye xitaygha qaratqan iqtisadi yardemni toxtitidighanliqini jakarlidi

22 - Séntebir düshenbe küni, gérmaniye hökümiti xitaygha qaratqan iqtisadi yardemni toxtitidighanliqini jakarlighan bolup, birleshme agéntliqida otturigha qoyulishiche, kelgüside xitay bilen istratégiyilik hemkarliqining xitayning edliye sistémisini islah qilish we muhit qoghdash qatarliq sahelerde bolidighanliqini ilgiri sürgen.
Muxbirimiz jüme
2008-09-22
Share

 Xewerde neqil élip körsitilishiche, gérmaniye tereqqiyat ministiri heydémari zé'ul xanim, xitaygha qaritilghan meblegh sélish we iqtisad yardem bérish endizisige xatime béridighanliqini bildürgen bolsimu, emma kelgüside xitay bilen bolghan hemkarliq, ékologiyilik muhitni qoghdash, énérgiye ünümdarliqi we yéngilighili bolidighan énérgiye qurulushi jehetlerde bolidighanliqini chetke qaqmighan.

Ilgiri gérmaniye mutexessisliri xitay iqtisadining tereqqiy qiliwatqanliqini shu sewebtin xitayning gérmaniyining iqtisadi yardimige mohtaj emeslikini otturigha qoyup kéliwatqan idi.

Melum bolushiche, ötken yili gérmaniye xitaygha 97.7 Milyon dollar tereqqiyat yardimi bergen bolup, emma bu yil béridighan yardem toghrisida hazirghiche wede qilmighan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet