Gogul, amérika we yawropa ittipaqini xitay qatarliq intérnét uchurlirini qamal qiliwatqan döletlerge tedbir qollinishqa chaqirdi

Gogul intérnét shirkiti tünügün bir doklat élan qilip, amérika yawropa ittipaqidiki döletlerni, xitaygha oxshash intérnét uchurlirini qamal qiliwatqan döletlerge tedbir qollinishqa chaqirdi.
Muxbirimiz shöhret hoshur
2010-11-16
Share

Chaqiriqta intérnét uchurlirini chekleshni, 21 ‏- esr dunya tijaritidiki chong bir tosaq dep eyiblidi. Doklatta bildürülüshiche, xitay we wéytnam qatarliq 40 tin artuq döletning intérnét uchurlirini qamal qilishi 10 yilning aldidikige nisbeten éytqanda 10 hesse kücheygen.

Doklatta, mezkur döletlerning intérnét cheklimisi dunya tijaritide adaletsiz riqabetke sewebchi boluwatidu dep körsitilgen. Uchur - alaqe cheklimisining dunya soda teshkilatining alaqidar prinsiplirigha xilap ikenliki tekitlen'gen doklatta, amérika we gherb döletlirining, mezkur döletler bilen soda toxtami tüzgende, intérnét cheklimisini bikar qilishni shert qilip qoshushni tewsiye qilghan we bundaq qilmighanda öz döletlirining mezkur döletlerdiki soda menpe'etini qoghdiyalmaydighanliqi eskertilgen.
 
Gogul intérnét shirkiti bu yilning béshidimu xitayning intérnét cheklimisige qarshi turghan we u chaghda mesilini insan heqlirini qoghdash nuqtisidin otturigha qoyghan idi.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet