Gu'angdungda oqutquchilar töwen ish heqqige qarshi naraziliq namayishi qildi

Xongkong metbu'atliri hem en'gliye b b s agéntliqi qatarliqlarning xewer qilishiche, gu'angdung ölkisi xu'aju shehiridiki nechche minglighan oqutquchi, xitayning dölet bayrimi mezgilide namayish qilip, oqutquchilarning töwen ish heqqi hem mal bahasi örlewatqan shara'itta ish heqqining yerlik da'iriler teripidin izchil tutup qélinishigha naraziliq bildürgen.
Muxbirimiz méhriban
2011.10.04

Melum bolushiche, gu'angdungning xu'aju shehiridiki ottura bashlan'ghuch mektep oqutquchilirining ma'ashi gu'angdungning bashqa jayliridin izchil töwen bolup, yerlik da'iriler yuqirigha oqutquchilarning ayliq ma'ashini 3000 yüen xelq puli dep melum qilghan bolsimu, emma oqutquchilarning emeliyette alidighan ish heqqi adette 800 yüendin 1000 yüen'giche bolghan.

Dölet shtatida bolmighan xelq oqutquchilirining ayliq ish heqqi téximu töwen bolup, ularning ayliq ish heqqi 300 yüendin 400 yüen'giche bolghan.

Xewerde déyilishiche, yéqindin buyan xitayda mal bahasi nechche hesse örligen bolsimu, emma xu'aju shehiridiki ottura-bashlan'ghuch mektep oqutquchilirining ma'ashi zadila ösmigen.

Yerlik da'iriler bolsa türlük bahaniler bilen oqutquchilarning ma'ashini tutup qalghan. Bu ehwal oqutquchilarning naraziliqini qozghap, bu qétimliq zor kölemlik naraziliq namayishining partlishigha seweb bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.