Adil hékimjan: men we méning dostlirim xeterlik kishiler emes

U mundaq dégen ": emdi men dunyaning méni we méning dostlirimni xeterlik kishiler, dep qarimasliqini ümid qilimen."

Adil hékimjan bu sözlerni amérika hökümiti güentanamodiki qalghan 17 neper Uyghurni qandaq bir terep qilish toghrisida qarar chiqirishqa az qalghan mezgilde élan qildi. U bu sözlerni qilghan shu küni amérika dölet mudapi'e ministiri robért géytis amérika dölet mejlisining xamchot komitétida guwahliq bérip, güentanamodiki bir qisim Uyghurlarning amérikida qalidighanliqini bildürgen idi.

Géytis dölet mejlisidiki guwahliqida mundaq dégen: " men kishlerning bizning bezi Uyghurlarni qoyup béridighanliqimizni munazire qiliwatqanliqini anglidim. Lékin ularning hemmisi qoyup bérilmesliki mumkin .... Eger biz birmu mehbusni qobul qilmisaq, amérika tashqi ishlar ministirliqining bashqa döletlerni biz tehdit peyda qilmaydu, dep békitken bu kishilerni qobul qilishqa qayil qilishi nahayiti teske chüshidu."

Shwétsiyining dalarna rayonidiki bir sot mehkimisi charshenbe küni shwétsiye köchmenler idarisining erzini qobul qilishni ret qilip, adilgha bérilgen panahliq hoquqining qanuniy küchke ige ikenlikini jakarlighan. Adil hékimjan sotning qararini alqishlap, emdi"men yéngi hayat bashlaydighan boldum" dégen.