Гуәнтанамода тутуп туруватқан уйғурлардин йәнә иккиси палавға бармақчи

Америкиниң кубадики гуәнтанамо һәрбий түрмисидә тутуп туруливатқан уйғурлардин иккиси бүгүн тинч окяндики арал дөлити палавға беришқа қошулди.
Мухбиримиз вәли
2009.09.19

Бирләшмә агентлиқиниң палавниң корор шәһәрчисидин хәвәр қилишичә, америка президенти барак обама гуәнтанамодики һәрбий түрмини тақашни қарар қилғандин кейинму, америка һәрбий қисимлири тәрипидин 2001 ‏ - йили афғанистандин тутуп келингән уйғурлардин 13 и техичә гуәнтанамода 'дүшмән җәңчиси' дегән нам астида тутуп туруливататти. Улардин икки киши бүгүн палавға беришқа қошулди.

Америкилиқ адвокат ерик тиршвелниң ейтишичә, гуәнтанамодики уйғурларниң 4и өткән айда палавға беришқа қошулған иди. Бүгүн йәнә икки уйғур палавға беришқа мақул болди. Америка һазир гуәнтанамода туруватқан уйғурлар үчүн дуняниң һәр қайси җайлиридин мәңгүлүк макан издәватиду.

Палав тинч окяндики филиппин араллириниң шәрқ тәрипидә 800 километир йирақлиққа җайлашқан бир гүзәл саяһәт орни, униңда 8 арал вә 250 тин артуқ кичик созунчақ қуруқлуқ бар, бу араллар деңиз тәктигә чөкүп керип чарлайдиған илмий паалийәтләр үчүн көп әвзәлликкә игә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.