Gu'entanamodiki Uyghurlardin üch nepiri palawgha bérishni qobul qildi

Gu'entanamoda qalghan 13 neper Uyghurning üch nepiri palawgha bérishni qobul qilghan. Birleshme agéntliqining xewer qilishiche, amérika tashqi ishlar ministirliqining bir emeldari 3 neper Uyghurning bir ayliq söhbettin kéyin palawgha bérishni qobul qilghanliqini bildürgen. Emma bu heqte téximu etrapliq melumat bérishni ret qilghan.
Muxbirimiz irade
2009-09-10
Share

Gu'entanamodiki Uyghur mehbuslarning adwokati jorj klark birleshme agéntliqining muxbirigha bergen melumatida, "men adwokatliqini qiliwatqan Uyghurlardin ikki nepiri palawgha bérishni qobul qildi, ular gu'entanamodin baldurraq ayrilip, palawda özlirige yéngi bir hayat qurushni hayajan ichide kütmekte," dégen.

Yene bir adwokat érik tirishwélmu muxbirlargha: "men adwokatliq qiliwatqan 4 neper Uyghurdin 1 nepirimu palawgha bérishqa qoshuldi. U 8 yil aridin kéyin erkinliktin behriman bolushni kütmekte," dégen.

Bu üch neper Uyghurning eng kech bolghandimu öktebirning axirilirida palawgha bérip bolidighanliqi ipade qilinmaqta. Emma amérikining palawda turushluq yuqiri derijilik emeldari mark béznér özining téxi amérika da'iriliridin bu heqte resmiy bir xet tapshurup almighanliqini bildürgen.

Xitay tashqi ishlar ministirliqining bayanatchisi jyang yü charshenbe küni axbarat élan qilish yighinida bu heqte toxtilip, "biz her qandaq döletning ularni qobul qilishigha qet'iy qarshi. Bu Uyghurlar bizge qayturup bérilishi kérek, dégen.

Amérika hazir qalghan 10 neper Uyghurgha baridighan dölet izdimekte. Bundin awwalmu gu'entanamogha qamalghan Uyghurlardin 5 nepiri albaniyige, 4 nepiri aral döliti bérmudagha orunlashturulghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet