Güentanamodiki Uyghurlar özlirige muwapiq kélidighan bir jaygha bérishni oylaydu

Sotta amérika edliye ministirliqining adwokati sharun swén'gil obama hökümitining mezkur mesilidiki pozitsiyisini aqlap, sotchilardin Uyghurlarning erzni ilgirilep körüp chiqishni ret qilishni, chünki hökümetning Uyghurlarni 3‏ - döletke orunlashturush xizmiti dawamlishiwatqanliqini bildürgen.

Lékin Uyghurlarning adwokati seybin wéllit, güentanamodikilerning tinch okyandiki palawgha bérishni xalimaydighanliqini, ularning sottin bu jehettiki pikrini nezerge élishni telep qilish hoquqi barliqini tekitligen. Seybin willét yene, Uyghurlarni qeyerge orunlashturush mesiliside "medeniyet ortaqliqi"ni öz ichige alghan bezi muhim amillarning barliqini eskertip, bérmudagha orunlashturulghan Uyghurlargha xizmet bérilgenliki, lékin palawning Uyghurlargha waqitliq panahliq bergenliki, shunga ularning amérikigha kélip olturaqlishishigha yol qoyushni telep qildi.

Nöwette güentanamodiki 22 neper Uyghurdin 17 kishi albaniye, bérmuda, palaw, shwétsariye qatarliq dölet we rayonlargha orunlashturulup boldi. Palaw güentanamoda qélip qalghan 5 neper Uyghurgha panahliq bérishni xalaydighanliqini bildürgen bolsimu, lékin ular palawgha bérishni ret qilip, amérikida olturaqlishishni telep qilghan we amérika fédéral ottura sot mehkimisige erz sun'ghan idi. Peyshenbe künki sot ularning bu erzige asasen échildi.