Гүәнтанамодики уйғурлар палавға беришқа қошулди

Һазир гүәнтанамода 13 нәпәр уйғур тутуп турулуватқан болуп, илгири буларниң һәммисини тинч окяндики арал дөлити палавға йәрләштүрүш пикри күчәйгән болсиму, әмма бу уйғурлар палавға беришни халимиған болғачқа, бу һәқтики ғулғула сәл пәсийип қалған иди.

Хәвәрдә көрситишичә, гүәнтанамодики уйғурларниң адвокатлиридин бири болған җорҗ кларк, америка ташқи ишлар министирлиқидики бир қисим әмәлдарларниң дүшәнбә күни гүәнтанамодики уйғурлар билән көрүшкәнликини, һәмдә бир қисим уйғурларниң палавға беришқа қошулғанлиқини билдүргән.

Адвокат җор кларк, һазир гүәнтанамода туруватқан 13 нәпәр уйғурниң һәммиси болмисиму, 4 тин көп адәмниң палавға беришқа қошулғанлиқини билдүргән.

Бу йил июнда палав һөкүмити гүәнтанамодики уйғурлариниң һәммисини қобул қилидиғанлиқини билдүргән болсиму, әмма гүәнтанамодики уйғурлар мәзкур тәклипни рәт қилған иди.