Палав президенти гуантанамодин қоюветилгән уйғурларни өзи күтүвалди

Гуантанамода тутуп туруливатқан уйғурларниң 6 нәпири мунасивәтлик хадимлар билән бирликтә йәкшәнбә күни тинч окяндики палав дөлитиниң мәркизи шәһири корорға йетип келип орунлаштурулди.
Мухбиримиз үмидвар
2009-11-01
Share
Uyghurlar-Palawgha-yetip-kelgen-korunush-305.jpg Сүрәт, палав президенти җонсон торибиоң айродромға өзи чиқип, тәклип қилинған тәрҗимани мәмтимин әланиң йардимидә, 6 уйғурни күтүвалған көрүнүш.
www.oceaniatv.net Дин елинди. Сүрәтләр нәшир һоқуқи Roll'em Productions ниң.

Бирләшмә агентлиқиниң хәвәр қилишичә, Палав дөлитиниң президенти җонсон торибиоң айродромға чиқип, мәзкур уйғурларни күтүвалған шуниңдәк улар шәһәр мәркизидики чоң бир өйгә орунлаштурулған.

Хәвәрдә ейтилишичә, палав президенти җонсон торибиоң мухбирға бу уйғурларниң "наһайити хушал икәнлики, уларниң өзигә рәһмәт ейтқанлиқи һәмдә өзини қериндаш дәп атиғанлиқи, буниңдин өзиниң наһайити һаяҗанланғанлиқини," сөзләп бәргән.

Буниңдин илгири радиомиз мухбири мәзкур алтә уйғурниң палавға йолға селинғанлиқи һәмдә уларниң тизимлики һәққидә хәвәр бәргән иди. Хәвәрләрдә көрситилишичә, мәзкур уйғурлар келиштин илгири палав һөкүмити сақчиларни аҗритип, уларниң бихәтәрликини қоғдашқа орунлаштурған. Уларниң туралғу җайи мәсчиткиму наһайити йеқин икән.

Палав президенти бу уйғурларниң дохтурға көрүнүш, туралғу җай, маарип тәрбийиси вә башқа җәһәтләрдин ярдәмгә еришидиғанлиқини билдүргән.

Палав дөлитиниң нопуси 20 миң әтрапида болуп, буларниң ичидә 500 әтрапида мусулман бар икән. Улар асаслиқи бенгал қатарлиқ дөләтләрдин кәлгән икән.

Палав арал дөлити болуп, униң хитай билән дипломатик мунасивити йоқ, әксичә тәйвән билән дипломатик мунасивәтни сақлап кәлмәктә. Бу йилниң оттурлирида америка һөкүмити төт нәпәр уйғурни атлантик окяндики бермудаға орунлаштурған иди.

Америка авазиниң хәвәр қилишичә, уйғурларниң адвокати, "америка бу уйғурлар үчүн муқим олтурақлишидиған җай тапқучә уларниң палавда туруп туридиғанлиқи"ни билдүргән.

Пикирләр (12)

Барлиқ пикир - баянларни көрүш.

Anonymous says:
Nov 01, 2009 09:41 PM

Һа һа һа , зуңтуңниң күтүвелишиға иришкән болса бу балларниң инавити раврус баркән җуму. Лекин қандақла болмисун уларниң сақ -саламәт палавға беривалғанлиғини , уларниң кийинки турмушиниң оңушлуқ булушини тиләймиз.

Anonymous says:
Nov 03, 2009 08:44 AM

ﯪЛлаһқа йүзмиңларчә шүкри.............ﯪЛлаһ әзиз қилсун қериндашлар !иккинчи (вәтән)иңлардики турмушуңларға бәхит тиләймиз !

Anonymous says:
Nov 01, 2009 03:44 PM

Худаға шүкри !

Anonymous says:
Nov 02, 2009 03:24 PM

ﯪЛлаһ әзиз қилсун қириндашлар...... Кәлгүси шлириңиларниң йиахши булушни ﯪллаһ дин тиләймән....

Anonymous says:
Nov 01, 2009 08:12 PM

Биз интайин хош болдук!!!

Anonymous says:
Nov 02, 2009 03:30 PM

ﯪЛлаһ әзиз қилсун қириндашлар...... Кәлгүси шлириңиларниң йиахши булушни ﯪллаһ дин тиләймән.... Машаллаһ әли ﯪка йахши сөзләпсән. ﯪЛлаһ һәммиңларниң ксәлллриргә шиптатлиқ бәрсун......

Anonymous says:
Nov 01, 2009 05:32 PM

Улуғ худайим, бизниму мушуларға охшаш өз панаһиңда сақлиғайсән, рәзил хиттайниң қолиға чүшүп қалмай, тинич ﯪман башқа демократик дөләткә орунлишишқа патрақ нисип қилғайсән......ﯪМин

Anonymous says:
Nov 02, 2009 02:01 AM

Palaw hokumeti we helqi Uyghur millitining eng yeqin dosti hokumet we heliqtur, Uyghur millitining Palaw hokumetige helqige we reisi jumhurige rehemt qerzi bar, buni Uyghur milliti bir kuni choqum toleydu.

Anonymous says:
Nov 02, 2009 11:42 AM

Интайин бәк хош болдум ,ﯪллаһ уларға хатирҗәм турмуш ﯪта қилсун ,өз йортимизда туралмайватқан мушундақ пәйиттә башқа дөләтләрниң бизгә игә чиққанлиқидин интайин хошал болдум. Уйғур мәңгу йашисун.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.