Сабиқ гуәнтанамо уйғурлири йәнә 2 нәпәр қериндишиниң һөрлүккә еришкәнликидин мәмнун болғанлиқини билдүргән

Бермудиға йәрләштүрүлгән сабиқ гуәнтанамо уйғурлири, йәнә икки нәпәр қериндишиниң һөрлүккә еришкәнликидин мәмнун болғанлиқини билдүргән.
Мухбиримиз җумә
2010-02-06
Share

Бермуда йәкшәнбилик хәвәрләр торида көрситишичә, гуәнтанамодин бермудиға орунлаштурулған 4 нәпәр уйғурниң бири хелил мамут "бу хәвәрни аңлап интайин хош болдум дегән".

У йәнә өзи қоюп берилгәндә йәнә бир қисим бурадәрлири түрмидә қалғанлиқи үчүн дегәндәк хош болуп кетәлмигәнлики шуңа йәнә қалған бәш бурадәрлириниңму пат арида қоюп берилишини күтидиғанлиқини билдүргән.

Шветсарийә федератсийә кеңиши өткән чаршәнбә күни биләт ташлап, гуәнтанамодики ака - ука мәһбус -- бәхтияр вә әркин мәһмутларни қобул қилидиғанлиқини билдүргән.

Мәзкур хәвәр бу уйғурларни әркинликкә ериштүрүш йолда нәччә йил издәнгән адвокатлар вә кишилик һоқуқ паалийәтчилирини рази қилған иди.

Хәвәрдә нәқил қилинишичә, гуәнтанамо уйғурлириниң адвокатлиридин бири болған сәйбин вилләт шветсарийиниң қараридин һаяҗан вә хушаллиққа чөмгәнликини билдүргән.

Сәйбин вилләт әпәнди йәнә, гуәнтанамо уйғурлирини йәрләштүрүштә бермуда һөкүмитиниң үлгә тиклигәнлики, бермудиға йәрләштүрүлгән уйғурларниңму бермуда җәмийитигә сиңишип кәткәнликиниң шветсарийә һөкүмитиниң мәзкур қарарни чиқиришиға түрткә болғанлиқини қошумчә қилған.

Гуәнтанамода әсли 22 нәпәр уйғур қамалған болуп, америка һөкүмити буларниң һәммисини дүшмән җәңчиси әмәс дәп бекиткән вә буларни бихәтәр дөләтләргә йәрләштүрүш учун көп тиришчанлиқ көрсәткән иди

Нөвәттә буларниң 15 нәпири илгири кейин болуп гвәнтанамодин қоюп берилип, албанийә, бермуда вә палав қатарлиқ әлләргә орунлаштурулди. Нөвәттә йәнә 2 уйғур шветсарийигә йәрләштүрүлмәкчи.

Хәвәрдә көрситишичә, бу һәқтә тохталған адвокат елизабит гилсон ханим: "бу кишиләр аз кәм 8 йилдин бери өзлириниң гуәнтанамоға мәнсуп әмәслики аңлап кәлди. Уларниң бир дин бир арзуси демократик дөләтләрдә тинч - аман һаят кәчүрүштин ибрәт дегән."

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт