Barak obama gogul shirkitige qaritilghan intérnét hujumliridin xatirjemsizlen'genlikini bildürdi we xitaydin bu heqte jawab telep qildi

Aqsarayning jüme küni bildürüshiche, amérika prézidénti barak obama gogul shirkitige qaritilghan intérnét hujumliridin xatirjemsizlen'genlikini bildürdi we xitaydin bu heqte jawab telep qildi.
Muxbirimiz jüme
2010-01-23
Élxet
Pikir
Share
Print

Bu heqtiki xewerler amérika - xitay diplomatliri xitayda gogulgha qaritilghan cheklesh we intérnét hujumliri toghrisida söhbet élip barghandin kéyin meydan'gha chiqqan.

Ötken hepte, dunyadiki eng chong intérnét izdesh matori shirkiti – gugul, xitayda gugul abunichiliri, bolupmu kishilik hoquq pa'aliyetchiliri we öktichilerge qaritilghan intérnét hujumlirining kücheygenliki we ularning élxetlirining xitayda da'im xakkérlar teripidin échiwétilidighanliqini otturigha qoyghan. Gugul bayanatida, eger xitayda bu xil ehwallar yene dawamlashsa xitaydiki sodisini toxtitidighanliqini bildürgen idi.

Fransiye agéntliqida körsitishiche, bu heqte toxtalghan aqsaray yardemchi bayanatchisi bil burton: " prézidént éytqandek u gugul xitayda yoluqqan intérnét xewpsizliki mesilisidin dawamliq xatirjemsizlenmekte. Tashiqi ishlar ministiri klinton xanim aldinqi küni éytqandek, biz hemmimiz xitayning bulargha jawab bérishini kütüwatimiz" dédi.

Gugul mesilisi otturigha chiqqandin kéyin amérika - xitay munasiwetliride mu'eyyen derijide jiddiylik körünüshke bashlighan idi.

 Amérika tashqi ishlar ministiri klinton xanim peyshenbe küni, xitay da'irilirini gugul we bashqa amérika shirketlirining hujumgha uchrash qilmishlirini tekshürüshke qistighan. Halbuki xitay da'iriliri klinton xanimning sözlirining ikki dölet munasiwetlirige dexli yetküzidighanliqini tekitlep, amérika da'irilirining teleplirini ret qilghan idi.

Toluq bet