Hélariy klinton yang jyéchi bilen körüshüp, google mesilisi heqqide sözleshti

En'giliye paytexti londonda afghanistan mesilisi heqqidiki xelq'ara yighin'gha qatnashqan amérika tashqi ishlar ministiri hélariy klinton, tünügün yighin arisida xitay tashqi ishlar ministiri yang jyéchi bilen körüshüp, google mesilisi üstide söhbet élip barghan.
Muxbirimiz erkin
2010.01.30
Share on WhatsApp
Share on WhatsApp

Klinton xanim axbarat élan qilish yighinida muxbirlarning bu heqtiki so'aligha jawab bérip, söhbet jeryanida özining google we intérnét erkinlik mesilisini otturigha qoyghanliqini we tereplerning bu mesile üstide dawamliq sözlishishke kélishkenlikini bildürgen.

Hélariy klinton yene "men intérnét ishlitidighan her qandaq kishining tekshürüsh we zerbige uchrimasliqigha kapaletlik qilish hemme adem köngül bölidighan mesile dep qaraymen "dégen. Klinton xanim yéqinda amérika nyuziyum axbarat muziyida söz qilip, xitayning intérnét erkinlikige cheklime qoyush siyasitini tenqidligen we google ning hujumgha uchrash weqesi üstidin tekshürüsh élip bérishni telep qilghan idi.

Jüme küni amérikining béyjingdiki elchixanisining bayanatchisi suzan stiwénson amérika axbarat wastilirigha melumat bérip, amérika hökümitining intérnét bixeterlik mesilisini xitayning aldigha qoyghanliqini shundaqla béyjing we washin'gtonda tor erkinliki, torni kontrol qilish, xakkérlarning herikiti qatarliq mesililerde xitay terep bilen déyishkenlikini bildürdi.

Amérika elchixanisining bayanatchisi yene, "söz erkinliki amérikining nigizlik qimmet qarashlirining biri, tor erkinliki bolsa söz erkinlikining bir qisimidur" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.