Google Билән америка дөләт бихәтәрлик идариси һәмкарлишип, хакерларға тақабил турушни ойлашмақтикән

Google Интернет ширкити америкиниң еликтроник көзитиш оргини - америка дөләт бихәтәрлик идариси билән һәмкарлишип, хакерларниң һуҗумиға қарши турушни үмид қилидиғанлиқини вә бу мәсилә үстидә мәзкур орган билән музакирә елип бериватқанлиқини билдүрди.
Мухбиримиз әркин
2010-02-04
Share

Google Ширкити йеқинда хитай хакерлириниң һуҗумиға учриғанлиқини елан қилип,гези кәлсә хитайдики сода мәшғулатини тохтитидиғанлиқини агаһландурған иди.

Бу һәқтики хәвәрләрдә әгәр Google ширкити билән америка дөләт бихәтәрлик идариси келишим һасил қилалиса, дөләт бихәтәрлик идариси Google ширкитигә ярдәмлишип, хакерларниң һуҗумиға аит учурларни анализ қилидикән шундақла Google вә тор қолланғучиларни қоғдайдикән.

Google Ширкити йеқинда хитай хакерлириниң Google архипиға кирип, өктичи затларниң Google дики хәт сандуқиға киргәнлики шундақла хитай даирилириниң Google ға бесим ишлитип, учурға чәклимә қоюшни тәләп қилғанлиқини илгири сүргән иди.

Бу вәқә америка билән хитай арисида талаш - тартиш қозғиған болуп, америка һөкүмити хитайниң вәқәни тәкшүрүшини вә тәкшүрүш нәтиҗисини ашкара елан қилишини тәләп қилған.

Бу һәқтики хәвәрләрдә йәнә, америка дөләт бихәтәрлик идариси билән Google ширкити һәмкарлашса, дөләт бихәтәрлик идариси тор қолланғучиларниң Google дики һесаб номури яки хәт сандуқиға кирәлмәйдиғанлиқини, Google ширкитиниң дөләт бихәтәрлик идарисини өзиниң учур амберидики мәлуматлар билән тәминлимәйдиғанлиқини илгири сүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт