'Gogul mesilisi chet'el shirketlirini xitaygha meblegh sélishta ikkilendürüp qoyushi mumkin'

Amérikining soda ishliri ministiri washin'gtonda échilghan amérika - xitay soda ishliri yighinida qilghan sözide: "gogulning xitayda xakkirliq hujumigha uchrash mesilisi téximu köp amérika shirketlirining xitaygha meblegh sélishigha tesir körsitishi mumkin," dédi.
Muxbirimiz irade
2010-01-28
Share

Amérika soda ministiri sözide xitay hökümitige chaqiriq qilip, ochuq - ashkare we qanun'gha asasen ish qilghandila amérika shirketlirini xatirjem qilalaydighanliqini, eksiche bolghanda chet'el shirketlirining xitaygha bolghan qiziqishini yoqitip qoyidighanliqini éytti.

B b s ning xewer qilishiche, hazir en'gliyide échiliwatqan afghanistan yighinigha qatnishiwatqan amérika tashqi ishlar ministiri hillariy klinton xanim yighin jeryanida xitay tashqi ishlar ministiri bilen uchriship, gogul mesilisi üstide kéngeshni dawam qilidighanliqini bildürüshken.

Peyshenbe küni xitay terep bayanat bérip: "gerche amérika - xitay munasiwetliride yéqindin béri gogul mesilisi, teywen'ge qoral sétip bérish qatarliq bir qatar sürkilishler bolghan bolsimu, emma xitay yenila amérika bilen hemkarliqni dawam qildurushni arzu qilidu," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet