Guma nahiyiside yüz bergen xitay amanliq küchliri bilen bolghan toqunushta bir xitay saqchi öltürüldi

Charshenbe küni shu yerning waqti bilen kech sa'et 9:00 guma nahiyisining jenubidiki taghliq rayonda xitay amanliq küchliri bilen salahiyiti namelum kishiler arisida toqunush yüz bérip, 7 kishi xitay amanliq küchliri teripidin neq meydanda étip öltürülgen.
Muxbirimiz erkin
2011-12-28
Share

Biraq xitay amanliq küchliridin bir saqchi öltürülgen we yene bir saqchi yarilan'ghan. Tengri tagh tori qatarliq axbarat wasitilirining xewerliride ikki kishining bir guruppa kishi teripidin görüge élin'ghanliqi, görüge élin'ghan kishilerni qutquzush jeryanida toqunush yüz bérip, 7 kishining étip tashlan'ghanliqi, 4 kishining yarilan'ghanliqi we yene 4 kishining tirik qolgha chüshkenlikini ilgiri sürgen bolsimu, lékin bu kishilerning salahiyiti, milliti, görüge élin'ghanlarning kimliki hem görüge alghuchilarning görüge élishtiki meqsitige da'ir héchqandaq yip uchi bérilmigen. Xewerde peqet görüge alghuchilarning bir ochum "Térrorluq guruhi" ikenliki ilgiri sürülgen.

Xitay hökümiti normalda Uyghurlarning her xil qarshiliq körsitish herikitini izchil térrorluqqa baghlap kelgen idi. Bezi analizchilar bu nuqtini chiqish qilip, öltürülgen, yarilan'ghan we tirik qolgha chüshken bu kishilerning Uyghur bolush éhtimalliqi chongluqini bildürdi. Weqening gumadiki bir taghliq rayonda yüz bergenliki közetküchilerni diqqitini qozghighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet