Дуня уйғур қурултейи хитай һөкүмитини гума вәқәсиниң характерини бурмилаш билән әйиблиди

Бүгүн радиомиз гума мукуйла вәқәси һәққидә илгириләп игилигән әң йеңи учурларда өлгән 7 кишиниң иккисиниң аял киши икәнлики.
Мухбиримиз ирадә
2011-12-30
Share

Йәрлик йеза башлиқи 5 балиниң тутулғанлиқини билдүрди. Әмма тутулған чоңларниң бар-йоқлуқи һәққидә мәлумат бәрмиди. Һазирғичә игәлләнгән учурлардин буларниң бир яки бир қанчә аилә кишилири икәнлики тәхмин қилинмақта.

Дуня уйғур қурултейи хитай һөкүмитиниң мукуйла вәқәсиниң хитай даирилири илгири сүргәндин тамамән пәрқлиқ икәнликини, хитайниң вәқәниң характерини бурмилап, аддий пуқраларни бастуруш қилмишини йошуруватқанлиқини билдүрди.

Хитай даирилири 28- чесла вәқә һәққидә елан қилған тунҗи хәвиридә "гума сақчи даирилири 7 террорчини етип ташлап, улар гөрүгә еливалған икки кишини қутқузувалди" дегән иди. Әмма бүгүн хитайниң "йәр шари вақти гезити"  вәқә һәққидә илгириләп елан қилған хәвиридә гөрүгә елинған икки кишиниң " террорчилар" ниң қолидин қутулуп чиқип, әһвални мәлум қилғандин кейин қораллиқ күчләрниң нәқ мәйданға барғанлиқи, қарши тәрәпниң адәм сани көп болғанлиқтин уларни етип ташлиғанлиқини вә бу кишиләрниң чәтәлгә җиһат қилишқа маңған  кишиләр икәнликини илгири сүрди.

Дуня уйғур қурултийиниң баянатчиси дилшат ришит, бу икки хәвәрниң бир-бири билән зитлиқини әскәртип, хитай даирилири ашкарили ған учурларда сахтилиқ барлиқини билдүрди вә хәлқарани бу нуқтиға диққәт қилишқа чақирди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт