Һайтида сәккиз күндин кейин үч қетим сақинди йәр тәврәш йүз бәрди

Ройтрс агентлиқиниң порт ав пренсидин хәвәр қилишичә, һайти 12‏ - январ күнидики йәр тәврәштә асасән харабилиққа айланған иди. Сәккиз күндин кейин, бүгүн йәнә 6.1 Бал дәриҗилик үч қетим сақинди йәр тәврәш йүз бәрди.
Мухбиримиз вәли
2010-01-20
Share

Бу, кочиларда йетип - қопуп, дуня әллириниң қутқузуш йемәклири билән һаятини сақлап келиватқан һайти хәлқиғә қайтидин вәһимә салди. Бүгүн сақинди йәр тәврәш йүз бәргәндин кейин хәвпкә учриған адәм вә көрүлгән зиян һәққидә техичә ениқ мәлумат йоқ.

Америка дөләт мудапиә министири роберт гейтсниң баян қилишичә, америка деңиз армийисиниң парахотлири бүгүн порт ав пренси шәһиридики муһим пристанларни тазилап, чәтәлләрдин һайтини қутқузуш вә қайтидин қуруш үчүн ярдәм әшялири келидиған йолларни раванлаштурмақта.

Йәр тәврәштә зәхимләнгән өсмүрләрни һайтидин тик учар билән очуқ деңизға әкилип давалаватқан америка деңиз армийисиниң миң карватлиқ қутқузуш парахоти бүгүн һайтиға кириду.

Шинхуа агентлиқиниң баян қилишичә, һайтида йүз бәргән йәр тәврәштә, түрмә өрүлгәндин кейин қорал искилатини булап қачқан 4500 җинайәтчи, дуня әллириниң ярдәм әшялирини булап - талап, апәткә учриған хәлқниң ярдәм қобул қилиш вәзийитини қийинлаштурмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт