Yerkenning qalpaqdöng kentide hej qilish arzusi barlar 'közitilmek' te

Mezkur tüzüm azadbagh yerlik da'irilirining 2008 ‏- yili yolgha qoyghan muqimliqni qoghdash tedbirlirining bir qisimi bolup, mezkur tedbirde yene weqe chiqsa on béshilar jawabkar bolush, meschit imamlirining pikiri we herikitini kontrol qilip, meschit bilen munasiwetlik weqe yüz berse meschitni közitishke mes'ul alaqilashquchining mes'uliyitini sürüshtürüsh, erizdarlarning nahiye - wilayet derijilik organlargha erz - shikayet qilishining aldini élish, kéchilik közetchilikni yolgha qoyush, bashqa yurtluqlargha öy ijare bergüchiler saqchixanining testiqini élish qatarliqlarni öz ichige alghan idi.

Qeshqer " amanliq tor békiti"ning ashkarilishiche, da'iriler hej qilish arzusidiki musulmanlarning" iz dérikini qilip " weziyetni ching tutqan we igiligenlik" sewebi 2008 ‏- yili qalpaqdöng kentide birmu kishi tarqaq hej qilalmighan.

Xewerde yene yerlik da'irilerning mexsus guruppa uyushturup, türlük erz - shikayetlerni" waqtida bir terep qilghanliqi"ni, shu seweblik yéqinqi 4 yildin béri birmu kishining nahiye we wilayetke erz qilip barmighanliqini, lékin erz - shikayetni bir terep qilish guruppisining qanuni hoquq da'irisi, erz - shikayetni qandaq bir terep qilidighanliqini tepsiliy chüshendürmigen.

Xitay hökümiti Uyghur musulmanlirining tarqaq hej qilishini " qanunsiz diniy pa'aliyet " dep cheklimekte.